سازدانى دیمانه‌: خالید محه‌ممه‌د زاده‌
عه‌بدولڵا حه‌سه‌نزاده‌ سکرتێرى پێشووى حیزبى دێموکرات و که‌سایه‌تى دیارى ئه‌م پارته‌ له‌م چاوپێکه‌وتنه‌دا هه‌موو ئه‌و تۆمه‌تانه‌ ره‌د ده‌کاته‌وه‌ که‌ له‌ پێوه‌ندیى له‌ گه‌ل دوکتۆر قاسملوو له‌م رۆژانه‌دا ده‌خرێته‌ پاڵى. ئه‌و گوتى:" نه‌گوتراو و نه‌بیستراوم زۆر پێیه‌، ئاواتمه‌ ئه‌و رۆژه‌ نه‌یه‌ که‌ ناچار بم هه‌مووى بخه‌مه‌ڕوو". ئه‌و که‌ ده‌لێ:" ئه‌من سێ جار بوومه‌ جێگرى دوکتور قاسملوو" نه‌یارانى خۆى به‌ "شه‌مشه‌مه‌ کوێره‌" ناو ده‌با له‌ هه‌مان کات دا داوایان لێ ده‌کا:" رۆژێک ده‌مامک له‌ سه‌ر رووى خۆیان لاده‌ن و له‌ پشت میکرۆفۆن یان له‌سه‌ر ئانتێن به‌ ناوى خۆیان قسه‌ بکه‌ن و جواب وه‌ربگرنه‌وه‌".